Katulad ng palagiang nanalo sa Super Bowl na QB na si Tom Brady at Coach ng Patriots na si Bill Belichick, mas lalong nagiging madiskarte ang mga nanggagayang scammer sa paglipas ng panahon, kung saan nakakagawa sila ng mga bagong mapanlinlang na inobasyon sa mga lumang scam na tuma-target sa mga consumer.

Sa nakalipas na nakaraang taon, napansin ng FCC ang pagtaas sa bilang ng mga reklamo ng consumer tungkol sa mga scam sa teknikal na suporta. Dapat tumuon at mag-ingat ang mga consumer sa anumang hindi hiniling na tawag para sa teknikal na suporta.

Noong Enero, binigyang-pansin sa isang post sa blog na KrebsonSecurity, na "Apple Phone Phishing Scams Getting Better," ang mga sopistikadong taktika sa panggagaya na ginagamit ng mga scammer. Sa scam na ito, nakakatanggap ang mga naka-target na consumer ng mga naka-automate na tawag na nagpapakita ng "logo ng Apple, address at tunay na numero ng telepono" sa mga screen ng kanilang telepono, na may babala ng paglabag sa data sa kumpanya. May kasama sa mga tawag na pekeng numero ng callback sa teknikal na suporta.

Dahil sa kamakailang balita tungkol sa mga isyu sa seguridad sa Facetime software ng Apple, mas lalong nagmumukhang kapani-paniwala ang scam sa teknikal na suporta.

Ang solusyon sa ngayon – at sa lahat ng pagkakataon – ay maging lubos na alerto. Huwag magtiwala, kahit na mukhang hindi makakasama o mukhang makakatulong ang isang hindi inaasahang tawag. Kapag nag-aalinlangan, suriin ito. Palaging kumpirmahin ang lahat ng numero ng suporta sa customer na tinatawagan mo, batay sa impormasyon sa pakikipag-ugnayan sa mga bill ng kumpanya, statement o web page na alam mong tumpak.

Gaya ng tinutukoy ng blogger na si Brian Krebs sa kanyang post, higit pa sa inaakala ng mga consumer ang panganib sa pagtangka nilang makipag-ugnayan sa kumpanya gamit ang mga numero ng telepono mula sa mga web page na nakita nila sa pamamagitan ng mga search engine sa internet. “Sa maraming sitwasyon, pinupuno ng mga scammer ang mga nangungunang resulta ng search engine ng mga pekeng numerong nagsisimula sa 800 para sa mga linya ng suporta sa customer na direktang nagdadala sa mga manloloko."

Kung nagsagawa ka ng paghahanap sa numero ng suporta sa customer ng isang kumpanya, tiyaking magki-click sa mga resulta ng paghahanap na nagdadala sa aktwal na website ng kumpanya at kumpirmahin doon ang numero ng suporta sa customer.

Nagbibigay ang FCC ng mga makakatulong na tip para maiwasan ang mga scam na panggagaya at mga robocall, kasama ang mga post sa Help Center ng Consumer tungkol sa mga kamakailang scam gaya nito.

Kung sa palagay mo ay nabiktima ka ng panlolokong may kaugnayan sa robocall o panggagaya ng caller ID, dapat ka munang makipag-ugnayan sa tagapagpatupad ng batas para iulat ang scam. Maaari ka ring maghain ng reklamo sa FCC nang wala kang babayaran. Basahin ang Madalas na Itanong sa Complaint Center ng FCC para malaman ang higit pa tungkol sa impormal na proseso sa pagrereklamo ng FCC, kabilang kung paano maghain ng reklamo, at ano ang mangyayari pagkatapos maihain ang reklamo. Maaari ka ring maghain ng mga reklamo sa FTC tungkol sa panloloko sa consumer, kabilang ang panlolokong nagreresulta mula sa mga ginayang pagtawag sa telepono.

 

 

   

 

 

Updated: 
Friday, February 22, 2019